فاحت روح ابو محمود عافانـه
مات اسلیم و اتهدّمت ارکانه
***
سمعینه الخبر من المبایــل رن
وی طرت الفجر و اخباره اتعدن
شاع او ذاع باچر دفن وا تـردن
من ابعید متعینّن صدقانــــــــــه
مات اخلیف ما حضّروا خوانـــه
***
طرینه او بدینه او ما حصل تعدیل
والخاین غبی مافاده کل تفعیـــــل
خلصانه الطلابه من زمن ینزیـــل
هذا ادواه سجن دائم ابزنزانـــــه
مات اخلیف واتحاشمت عدوانـه
***
الدفانه عمامه او طاره امن ابعیـــد
صبّه او طاشه اولل خوه عیب اتفید
ما یردون اخو خیته او بطل صندید
حچی النساء عدهم شاع میدانــــه
مات اخلیف و التمت الربّانـــــــــه
***
حچی الچذب عدهم صدگته النـــاس
ابطراجیع القدیمه ایفلشون الســـاس
حماء لل ذیل وا یعادون کل من راس
انشد بل سواری تلگه نیشانـــــــــــه
مات اخلیف و اتعذبت صدقانــــــــه
***
بل حیله عجیب اویه اخـــوته تلگاه
او عند الغیر عبد دیوان تتمــــــناه
ذلیل اهدومه وصخه ابربع ما سمناه
خائن بل عهد وا مخنفس احذانـــه
مات اخلیف ما حضّروا خوانــــــــه
***
الزلم بگلوبها تفرش محاچیهه
او کل اجروح بل دشه تداویهه
الگلب مگفول ما تسمع نعاویها
هذول اولاد حیهن حیـه زعلانه
مات اخلیف ما حضّروا خوانــه
***
گلناله نجی گال الدرب مســــدود
ابو امهیدی الفصّل هل روایه السود
ابفکره واحد ایضل بل عهد موجود
ابوکت الضیج کل اصحابه سکرانــه
مات اخلیف و التمت الدفانـــــــــه
***
واحد فصلاه ابو امهیدی لل ملحان
گلناله ترفعه لا تضل زعــــــــلان
گال الوعد عندی بل گلب نیشــان
بل صندوق ملفوف ابلحایانـــــــه
مات اخلیف او ما حضّروا خوانــه
***
و الثانی رفع راس او ستر بیهه
زال الضیم امن اولهه او تالیهـه
الملح و الحساوی التلف باجیهه
لا یمشی اولایرضایجی او یانـــه
مات اسلیم و اتطشرت صدقانه
***
و الثالث علم سواه الکور وبـــــــان
ما یعرف صلاه لاصوم لاخـــــــــوان
حساوی اوشبله بیده امزین الگرعان
وامعادی الحمایل و المکر شانــــــه
مات اسلیم و اتفرد شت خوانــــــه
***
و الله یا جماعه کلــــش اتاذیت
گبل لاصیر ماکو علم ستر البیت
لمّا فصلت بیرق زهه او طلعیـت
کل اسلیم داعی هوه عنــــــوانه
مات اخلیف و اتفرد شت ولیانه
***
انشد بل سواری خلهم ایسمعــون
قصه امفردشه خلیهم ایعلمـــــون
انه حسانی اخوکم خادم او ممنون
بس کفونه من اسلیم و احزانــــه
مات اسلیم واطّشرت خوانــــــــه
جاسم امحمد الجبیره الحسّانی الساری
18/04/1391
:: برچسب‌ها:
مات اسلیم (بمناسبت وفات خلف العلی السلیماوی الساری) ,
:: بازدید از این مطلب : 1554
|
امتیاز مطلب : 13
|
تعداد امتیازدهندگان : 5
|
مجموع امتیاز : 5
عضو شوید
عضویت سریع
آمار مطالب
آمار بازدید
